http://www.3bd.net/download.php?img=12202ده غير انها تعتبر وجبه كامله
فيه الخضار والفيتامينات من السبانخ
النشويات من البشاميل
البروتين من اللحمه المفرومه
وياجمالها مع العيش الاسمر .. اممممممم
كفايه بقى لاحسن جعت وندخل في الطريقه
كيلو سبانخ مسلوقه في ميه مغليه 3 دقايق
ومتصفيه في مصفاه كويس قوي .. اضغطي عليها كويس
نحمر معلقه كبيره ثوم مفروم ونضيف لهم السبانخ ونقلبها على نار عاليه لحد لما ميتها تنشف خااالص
تحضير اللحمه المفرومه
يتحمر بصل مفروم كتيير ويضاف له نص كيلو اللحمه المفرومه وثوم مفروم ويتظبط الملح والفلفل والبهارت وتترك على نار هاديه تتعصج وتتحمر كويس
البشاميل نحضره
نحمر 4 معالق دقيق في 4 معالق زبده ونضيف لهم مره واحده كوباية حليب وكوباية شوربه (دافيين) ونقلب بسرعه بالمضرب السلك اليدوي
ومش هيكلكع باذن الله
وفي الاخر نضيف معلقتين جبنه رومي(تركي) مبشوره ونظبط الملح والفلفل
نقلب السبانخ مع اللحمه المعصجه مع ثلاث ارباع البشاميل
ونضعها في صينيه مدهونه زيت
ثم نضيف على الوجه باقي البشاميل
ونرش عليها جبنه موتزاريلا وجبنه رومي مبشوره
وندخلها الفرن من تحت لحد لما تتحمر
وبعدين تحت الشوايه لحد لما الجبنه تسيح
وتتقدم سخنه
بالف هنا وشفا
الخميس أكتوبر 07, 2010 8:57 am